Dyfeisiau yw’r rhain sy’n trosi egni cinetig gwynt yn egni trydanol. I gael rhagor o wybodaeth am ddyluniad tebygol y generaduron tyrbinau gwynt ar gyfer Prosiect Gwynt Alltraeth Mona, edrychwch ar Gyfrol 1 – Rhagarweiniad, pennod 3 (Disgrifiad o’r Prosiect) yr Adroddiad Gwybodaeth Amgylcheddol Ragarweiniol.

Diagram dangosol o sut y gallai generadur tyrbin gwynt nodweddiadol edrych. Gall y dyluniad gwirioneddol fod yn wahanol.

Beth yw Platfformau Is-Orsaf ar y Môr (OSPs)?

Strwythurau sefydlog yw’r rhain a fyddai’n cael eu lleoli ar safle’r fferm wynt. Pwrpas y strwythurau hyn yw trosi’r pŵer o’r generaduron tyrbinau gwynt yn ffurf sy’n barod i’w throsglwyddo i’r lan.

Delwedd ddangosol yn dangos platfform is-orsaf ar y môr nodweddiadol. Gall y dyluniad gwirioneddol fod yn wahanol.

Beth yw ceblau cyswllt y platfform?

Mae’r rhain yn geblau trydanol sy’n cysylltu un neu fwy o blatfformau is-orsaf ar y môr.

Beth yw ceblau rhyng-aráe?

Ceblau yw’r rhain sy’n cysylltu generaduron y tyrbinau gwynt â’i gilydd ac â’r platfformau is-orsaf ar y môr.

Beth yw ceblau allforio o’r môr?

Ceblau yw’r rhain sy’n trosglwyddo trydan o’r platfformau is-orsaf ar y môr i’r lan.